Qazax məktəbliləri “Ölkəmizi tanıyaq” tur-aksiyası çərçivəsində Qəbələ–Şəki–Zaqatala bölgəsinə yola düşmüşlər

Qazax Rayon İcra Hakimiyyətinin akt zalında “Ölkəmizi tanıyaq” maarifləndirici tur-aksiyasında iştirak edən rayon məktəbliləri ilə görüş keçirilib. Görüşdə icra hakimiyyəti aparatının məsul işçiləri, məktəblilər, məktəb direktorları və valideynlər iştirak ediblər.

Rayon icra hakimiyyətinin başçısı Rəcəb Babaşov çıxış edərək bildirib ki, yuxarı sinif şagirdləri üçün “Ölkəmizi tanıyaq” devizi altında maarifləndirici tur-aksiyalar 2014-cü il avqustun 1-dən keçirilir. Artıq beşinci ildir ki, keçirilən layihənin əsas məqsədi məktəbliləri Azərbaycanın müxtəlif bölgələrinin tarixi, mədəni irsi, adət-ənənələri, özünəməxsus xüsusiyyətləri ilə yaxından tanış etmək, Heydər Əliyevin rəhbərliyi ilə müstəqillik illərində əldə olunan nailiyyətlərin dərindən öyrənilməsinə nail olmaq, eyni zamanda, ölkəmizin hazırkı dinamik sosial-iqtisadi inkişafını, gündən-günə abadlaşan şəhər və rayonlarımızın müasir simasını göstərməkdir.

İcra hakimiyyətinin başçısı rayonda təhsil sahəsində görülən  işlərdən, həyata keçirilən tədbirlərdən söz açaraq deyib ki, bu gün məktəblərimizdə davamiyyət yüksək vəziyyətdədir. Görülən tədbirlərin nəticəsidir ki, təhsil sahəsində ildən-ilə daha uğurlu nəticələr qazanılır. “Ölkəmizi tanıyaq” layihəsi də Qazaxda təntənəli şəkildə keçirilir. Rayonumuzun məktəbliləri bu tədbirlərdə də öz nümunəvi iştirakları ilə fərqlənir, xüsusi fəallıq göstərirlər. Tur-aksiya çərçivəsində keçirilən bilik yarışlarında qələbə qazanan məktəblilərlə görüş keçirilir və qaliblər rayon rəhbərliyi tərəfindən mükafatlandırılır.

Qazax məktəbliləri üçün növbəti tur-aksiya Qəbələ-Şəki-Zaqatala rayonlarını əhatə edəcəkdir. Onlar martın 26-dan 29-dək qeyd olunan rayonların tarixi ilə tanış olacaqlar. Tur-aksiyada 40 şagird və 5 nəfərdən ibarət müəllim və həkim iştirak  edəcəkdir.

Sonra icra hakimiyyətinin məsləhətçi-psixoloqu Kəmalə Cəfərova, Ağköynək kənd tam orta məktəbinin direktoru Səfurə Rəhimova, tur-aksiya iştirakçısı, İkinci Şıxlı kənd tam orta məktəbinin şagirdi Laura İsmayılzadə, Qazaxbəyli kənd tam orta məktəbinin şagirdi Nazənin Qurbanova, şəhər 1 saylı tam orta məktəbin şagirdi Turxan Vəliyev, məktəb-liseyin şagirdi Əfşan İsgəndərova və başqaları çıxış edərək məktəblilər üçün maarifləndirici tur-aksiyaların təşkilinə görə minnətdarlıqlarını bildiriblər.      

Görüş başa çatdıqdan sonra icra hakimiyyətinin başçısı tur-aksiyada iştirak edəcək məktəblilər və müəllimlərlə birlikdə Şəhidlər xiyabanı abidə-kompleksinə gəlib. Burada şəhidlərin ruhuna dualar oxunduqdan sonra abidə önünə gül dəstələri qoyulub, xatirələri ehtiramla yad edilib.

Daha sonra tur-aksiyada iştirakçıları  rayon tarix-diyarşunaslıq muzeyində, rəsm qalereyasında olublar.

Hamlet QASIMOV,
“Xalq qəzeti”nin bölgə müxbiri


© İstifadə edilərkən "Xalq qəzeti"nə istinad olunmalıdır.



  • I Avropa Oyunlarının təəssüratları uzun müddət xatirələrdə yaşayacaq

    I Avropa Oyunlarının təəssüratları uzun müddət xatirələrdə yaşayacaq

  • Hər gün bir tarix, hər gün bir zəfər

    Hər gün bir tarix, hər gün bir zəfər

  • Birinci Avropa Oyunları məşəlinin Bakının mədəniyyət və incəsənət mərkəzlərinə səyahəti

    Birinci Avropa Oyunları məşəlinin Bakının mədəniyyət və incəsənət mərkəzlərinə səyahəti

  • “Bakı – 2015”-in məşəli bölgələrə səyahətin son günündə bəşəriyyətin keçmişinə işıq salıb paytaxta qayıdır

    “Bakı – 2015”-in məşəli bölgələrə səyahətin son günündə bəşəriyyətin keçmişinə işıq salıb paytaxta qayıdır

  • Siyəzən birinci Avropa Oyunlarının məşəl estafetini qəbul etdi

    Siyəzən birinci Avropa Oyunlarının məşəl estafetini qəbul etdi

Çox oxunanlar



Təqvim

Hava haqqında