Şəkər çuğunduru ilə məşğul olan fermerlərə 3 faizlə 7 milyon manat güzəştli kreditlərin verilməsi təmin ediləcək. İqtisadiyyat Nazirliyinin mətbuat xidmətinin yaydığı məlumatda bildirilir ki, bu, emal sənayesi ilə kiçik sahibkarlar arasında əməkdaşlığın və bu istiqamətdə dövlətin dəstəyinin ən gözəl bir nümunəsi olacaq.

Azərbaycan Sənaye Bankı, eyni zamanda, Azərbaycan Şəkər İstehsalı Birliyi və İqtisadiyyat Nazirliyinin Sahibkarlığa Kömək Milli Fondu ilə martın 15-də sözügedən məsələ ilə bağlı saziş imzalanacaq. Həmin müqavilə əsasında 1400-dən çox kiçik fermer təsərrüfatı dövlətin 3 faizli güzəştli kreditlərindən istifadə edəcəkdir.

Vaqif BAYRAMOV,
“Xalq qəzeti”