Dövlət İmtahan Mərkəzi tərəfindən elan edilmiş ali təhsil müəssisələrinin magistraturalarına fevralın 25-də keçirilmiş qəbul imtahanının birinci mərhələsinin nəticələrinə əsasən Bakı Ali Neft Məktəbinin (BANM) tələbəsi Emil Amrahov ölkə birincisi olub. Belə ki o,  ölkə üzrə imtahanda iştirakı nəzərdə tutulan 12387 bakalavr arasında ən yüksək nəticə toplanılması mümkün olan 100 baldan 95 bal toplayaraq birinci mərhələni uğurla başa vurub.

Qeyd edək ki, Emil Amrahov BANM-ın “Neft-qaz mühəndisliyi” ixtisasının beşinci kurs tələbəsidir və o, Bakı Ali Neft Məktəbinə 664 balla daxil olub.

Vaqif BAYRAMOV,
“Xalq qəzeti”