Dövlət Statistika Komitəsinin məlumatında deyilir ki,  cari ilin birinci ayında ölkənin kimya sənayesi, əczaçılıq məhsullarının, rezin və plastik kütlə məmulatlarının istehsalı sahələrində 59,8 milyon manatlıq məhsul istehsal edilmişdir. Əvvəlki ilin yanvar ayı ilə müqayisədə məhsul buraxılışı kimya sənayesində 1,3 faiz, rezin və plastik kütlə məmulatlarının istehsalında 28,3 faiz azalmış, əczaçılıq məhsullarının istehsalında isə 3,1 dəfə artmışdır.

Əsas kimya məhsullarından olan azot istehsalı 18,4 faiz, oksigen istehsalı 75,8 faiz, propilen istehsalı 10,9 faiz, lak-boya məmulatlarının istehsalı 41,3 faiz, etilen istehsalı 10,9 faiz artmışdır. Həmçinin rezin və plastik kütlə məmulatlarından bərk polipropilen boruların istehsalında 1,9 dəfə, butullar, butulkalar və tutumu 2 litrdən çox olmayan oxşar plastik məmulatların istehsalında 9,8 dəfə, məsaməli polistirol lövhələr və zolaqların istehsalında isə artım 25,8 faiz olmuşdur.

Vaqif BAYRAMOV,
“Xalq qəzeti”