Cənub Qaz Dəhlizi Məşvərət Şurası çərçivəsində keçirilən nazirlərin dördüncü toplantısında bildirilib ki, “Cənub Qaz Dəhlizi” layihəsinə indiyədək 29,7 milyard dollar həcmində birgə sərmayə qoyulub.

Azərbaycan bu günə qədər 4 layihədə iştirak payının maliyyələşdirilməsinə 8,7 milyard dollar həcmində investisiya yatırıb. İşlər qrafikə uyğun davam edir və layihə nəzərdə tutulan vaxtda tamamlanacaq.

Yaxın vaxtlarda “Cənub Qaz Dəhlizi”nin Azərbaycan, Gürcüstan və Türkiyədəki hissələrinin istismarına başlamaq planlaşdırılır. Türkiyəyə kommersiya məqsədilə ilk təbii qazın 2018-ci ilin ortalarında çatdırılması nəzərdə tutulur.

Əlipənah BAYRAMOV,
“Xalq qəzeti”