CIF bazisi üzrə İtaliyanın Augusta limanı şərtləri ilə Azərbaycanın yüngül neftinin qiyməti yanvarın 24-də 71,41 dollar/barel təşkil edib. Bu isə çərşənbə axşamına olan göstəricidən 0,01 dollar/barel azdır. Bu barədə Xalqqazeti.com Trend-ə istinadən bildirir ki, bu məlumatı ölkənin neft-qaz bazarındakı mənbələr verib.

FOB bazisi üzrə Türkiyənin Ceyhan limanında Azərbaycanın yüngül neftinin qiyməti yanvarın 24-də 70,76 dollar/barel təşkil edib ki, bu da əvvəlki qiymətdən 0,02 dollar/barel azdır.

Novorossiysk limanından yüklənən URALS neftinin qiyməti yanvarın 24-də 67,84 dollar/barel təşkil edib ki, bu da Trend-ə görə, əvvəlki qiymətdən 0,08 dollar/barel azdır.

Şimal dənizindən hasil edilən "Brent Dated" etalon növlü neftin qiyməti isə yanvarın 24-də 69,91 dollar/barel təşkil edib. Bu, əvvəlki qiymətdən 0,08 dollar/barel azdır.

                                                                                     Anar Turan,
“Xalq qəzeti”