"Standard & Poor's" Beynəlxalq Reytinq Agentliyi Azərbaycanın "BB+/B" uzunmüddətli və qısamüddətli suveren kredit reytinqlərini təsdiq etmişdir.
Agentliyin məlumatına görə, ölkəmiz pozitiv reytinqlidir.
Zəngin təbii ehtiyatların mövcudluğu, büdcə və beynəlxalq ehtiyatların əhəmiyyətli məbləği, həmçinin iqtisadi artımın yaxşı perspektivləri reytinqlərə müsbət təsir göstərir. Neft hasilatı və neft ixracı ilə bağlı əlverişli proqnoz agentliyin ekspertlərinə ehtimal etməyə imkan verir ki, yaxın bir neçə ildə ölkə ödəmə balansının cari əməliyyatlarının hesabının profisiti və birləşdirilmiş büdcənin profisitini saxlayacaqdır. Gözlənilir ki, 2011-ci ildə neft hasilatı praktiki olaraq dəyişməz səviyyədə qalacaq, amma 2012-ci ildə bir qədər artacaqdır.
"S&P"-da hesab edirlər ki, neft sektoruna birbaşa xarici investisiya axınının güclənməsi 2012-2013-cü illərdən sonra neft hasilatı artımına imkan yaradacaqdır. Agentliyin hesablamalarına görə, qlobal böhrana baxmayaraq, 2010 və 2011-ci ildə Azərbaycanın iqtisadiyyatın inkişafı ildə təxminən 4 faiz təşkil edəcək, sonra qeyri-neft iqtisadiyyat sektorunun (2012-2013-cü ildə 5 faizə qədər) inkişafı hesabına tədricən sürətlənəcəkdir.{nl}

AzərTAc