Potidə “Şahdəniz 2” qaz kəmərinin nəqliyyat terminalı açılmışdır.

Gürcüstanın hökumət rəhbərinin mətbuat xidmətindən Trend-ə verilən məlumata görə, Gürcüstanın Baş naziri İrakli Qaribaşvili təntənəli açılış mərasimində iştirak etmişdir.

“Şahdəniz 2” layihəsi çərçivəsindəki terminal Azərbaycan və Gürcüstan ərazisindən Cənubi Qafqaz boru kəmərinin genişləndirilməsi üçün lazım olan boruların və digər avadanlığın daşınmasını təmin edəcək”, - deyə baş nazir qeyd etmişdir.

İ.Qaribaşvili “Şahdəniz 2” layihəsinin əhəmiyyətini xüsusu vurğulamışdır: “Bu, Gürcüstan və Azərbaycanın geosiyasi mövqelərini daha da möhkəmləndirən ən mürəkkəb və kompleks enerji layihələrindən biridir”.

“Şahdəniz 2” layihəsi çərçivəsində qaz hasilatının başlanması 2018-ci il üçün nəzərdə tutulmuşdur. 2018-ci ildə Türkiyəyə qaz tədarükünün başlanacağı gözlənilir, Avropa bazarına isə qaz 2019-cu ildə daxil olacaq.

Bütün layihənin dəyəri 28 milyard dollar qiymətləndirilir.