Bu ilin ilk doqquz ayında “Azəri-Çıraq-Günəşli” (AÇG) və “Şahdəniz” yataqlarından neft və təbii qazın sualtı boru kəmərləri vasitəsilə “Səngəçal” terminalına göndərilməsi davam etdirilib.

“bp-Azerbaijan” şirkətindən AzərTAc-a verilən məlumata görə, hazırda terminalın texniki emal sistemlərinin gündəlik gücü 1,2 milyon barel neft, “Şahdəniz” qazı üçün, təqribən, 27,4 milyon standart kubmetrdir. Terminalın ümumi qaz emalı və ixracı gücü isə (AÇG səmt qazı da daxil olmaqla) gündə təqribən 41,5 milyon kubmetr təşkil edir.

İlin birinci üç rübü ərzində terminaldan 227 milyon barel neft, həmçinin gündə isə orta hesabla 26,351 milyon standart kubmetr “Şahdəniz” qazı ixrac olunub.