2014-cü ilin birinci yarısında  istehlak  məqsədilə  pərakəndə ticarət  subyektlərində  istehlakçılara 10,1  milyard  manatlıq  və ya  2013-cü ilin  müvafiq  dövrü ilə  müqayisədə  8,9  faiz  çox  əmtəə  satılmışdır.

İstehlak   mallarının  5,1 milyard  manatını qida  məhsulları,  içkilər  və  tütün məmulatları,  5  milyard  manatını qeyri-ərzaq  malları təşkil etmiş, qeyri-ərzaq  məhsullarının  xüsusi  çəkisi 3,5  faiz  artmışdır.

Cari ilin altı ayında elektron  pərakəndə  ticarət   dövriyyəsinin  həcmi  ötən ilin  yanvar-iyun aylarina nisbətən 15,8  faiz artaraq 1,3  milyon   manat təşkil  etmişdir. Əhali  real  vaxt  rejimində  sifariş  verdikləri  istehlak mallarının 78,7  faizini hüquqi, 21,3  faizini fərdi sahibkarların  ticarət  şəbəkələrindən  almışdır.  Elektron  ticarət  dövriyyəsinin  90,6  faizini qeyri-ərzaq  malları təşkil etmişdir.

Samirə  ƏLİYEVA, “Xalq  qəzeti”