2014-cü ilin yanvar-iyun aylarında Vergilər Nazirliyinin xətti ilə dövlət büdcəsinə vergi daxilolmalarının həcmi 3,6 milyard manat təşkil etmişdir.

Trend-in nazirliyin saytında dərc olunmuş məlumata istinadən verdiyi xəbərə görə, bu məbləğin 32,9 faizi mənfəət vergisinin, 28,3 faizi əlavə dəyər vergisinin, 12,8 faizi fiziki şəxslərin gəlir vergisinin, 10,4 faizi aksizlərin, 15,6 faizi isə digər vergilərin payına düşür.

Qeyri-neft-qaz sektoru üzrə büdcəyə 2,51 milyard manat və ya daxilolmaların ümumi həcminin 47,8 faizi daxil olmuşdur.

Bu xətt üzrə daxilolmalar ötən ilin analoji dövrü ilə müqayisədə 15 faiz artmışdır.

Nazirlik üçün 2014-cü il üzrə vergi ayırmaları üçün proqnoz 7,1 milyard manat həcmində müəyyən edilmişdir.

Yanvar-iyun aylarında respublika üzrə 42 min 681 vergi ödəyicisi qeydiyyata alınmışdır. 1 iyun 2014-cü il tarixə qeydiyyatda olan vergi ödəyicilərinin ümumi sayı 574 935 nəfər təşkil etmişdir.

2014-cü ilin yanvar-iyun ayları ərzində respublika üzrə elektron formada göndərilmiş bəyannamələrin xüsusi çəkisi 90,9 faiz olmuşdur.