SOCAR-AQŞ 11 saylı stasionar dəniz özülündən layihə dərinliyi 3400 metr olan 307 saylı quyunun tikinti işlərini təhlükəsiz, ətraf mühitə heç bir ziyan vurmadan, vaxtından əvvəl və uğurla  başa çatdırmışdır.

307 saylı quyuda qazma işlərinə 29 aprel 2014-cü ildə başlanmışdı.’’Günəşli’’ yatağının dayaz sulu hissəsində  qazılan quyunun faktiki dərinliyi 3402 metr təşkil edir. ‘’Fasilə’’ Lay Dəstəsinə qazılan quyuya istismar kəməri endirilmiş, sementlənmiş və kipliyi yoxlanılmışdır. Quyu sifarişçiyə təhvil verilmişdir.

Qeyd edək ki, sifarişçi tərəfindən “Fasilə” Lay Dəstəsinə qazılan quyuların qazma ilə yekunlaşdırılması üçün ən azı 90 gün vaxt müəyyən edilsə də, əməliyyatlarında yeni idarəetmə üsulları, yeni texnologiya, standartlar və yeni yanaşma tətbiq edən SOCAR-AQŞ sifarişçi tərəfindən təyin edilən müddəti xeyli qabaqlayır.

Müəssisəmiz fəaliyyətinin bütün mərhələlərində ilk növbədə Sağlamlıq, Texniki Təhlükəsizlik və Ətraf Mühitin Mühafizəsinin təmin edilməsinə və quyuların keyfiyyətlə qazılaraq sifarişçiyə təhvil verilməsinə böyük önəm verir.

 Sifarişçi ARDNŞ-in “Azneft” İstehsalat Birliyidir.

Sənubər NƏZƏROVA,

SOCAR-AQŞ-nin ictimaiyyətlə əlaqələr üzrə mütəxəssisi