Azərbaycanın ilk telekommunikasiya peyki - “Azerspace-1” üzərindən yayımlanan telekanalların sayı artıb. Cari ilin iyul ayının 1-nə olan məlumata görə, artıq peyk üzərindən 100-ə yaxın televiziya və 20-dək radio kanalı yayımlanmaqdadır.

Bu barədə Rabitə və Yüksək Texnologiyalar Nazirliyinin  rəsmi saytı (mincom.gov.az) məlumat yayıb.  

Məlumatda  deyilir ki, Rusiyanın bir sıra televiziya kanalı Azərbaycanın ilk milli peyki “Azerspace 1/Africasat 1A” üzərindən yayıma başlayıb. Milli peyk üzərindən açıq yayıma başlayan kanallar “A-One”, “Evropa TV”, “Karusel +0”, “Life News”, “MİR-24”, “Moskva. Doverie”, “Mult+0”, “REN+0”, “RU-TV”, “STS+0”, “Zvezda+0” artıq 11015 H 30000 5/6 transponderində özünə yer edib.  Qeyd edək ki, ”Azerspace 1/Africasat 1A" üzərindən yerli kanallarla yanaşı, Gürcüstan, Ukrayna televiziya kanallarının yayımı həyata keçirilir.

M.MÜKƏRRƏMOĞLU,
 “Xalq qəzeti”