Azərbaycanın informasiya-kommunikasiya texnologiyaları (İKT) sektorunun gəlirləri 2013-cü ildə 10,7 faiz artmışdır.

 Dövlət Statistika Komitəsindən verilən məlumata əsasən, 2013-cü ildə müəssisələrə və əhaliyə ümumilikdə 1 528,1 milyon manatlıq rabitə xidmətləri göstərilmişdir.

İnformasiya və rabitə xidmətlərinin ümumi həcmindən 72,4 faizi əhaliyə göstərilən xidmətlərin payına düşür. Gəlirlərin 59,1 faizi mobil rabitə xidmətləri sektorunda əldə olunmuşdur. Ötən il ərzində mobil rabitə sahəsində gəlirlərin ümumi həcmi 902,5 milyon manat təşkil etmişdir. Bu, 2012-ci ilin göstəricisindən 17,4 faiz çoxdur.

Samirə ƏLİYEVA,

“Xalq qəzeti”