Azərbaycan Dövlət Neft Fondunun (ARDNF) qızıl ehtiyatları 2013-cü ilin sonuna kimi 30 tona çatdırılacaq. Bu barədə “APA-Economics”ə açıqlamasında fondun icraçı direktoru Şahmar Mövsümov məlumat vermişdir.

Ş.Mövsümovun sözlərinə görə, indiyədək fond tərəfindən 22-23 ton qızıl alınmış və bunun 7-8 tonu artıq Azərbaycana gətirilmişdir. Fond bu ilin sonuna kimi alınmış qızılın tam şəkildə ölkəyə gətirilməsinə çalışacaq.

Ş.Mövsümov bəyan etmişdir ki, dünya bazarlarında qızılın qiymətində müşahidə olunan dəyişkənlik ARDNF-i narahat etmir və fond qiymətin aşağı düşməsi səbəbindən qızılı satmaq niyyətində deyil.