“Standard & Poors” reytinq agentliyi  “Azərenerji” Açıq Səhmdar Cəmiyyətinin (ASC) reytinqini “BBB” uzunmüddətli, “A-3” qısamüddətli və “Sabit proqnoz” olaraq təyin etmişdir.

AzərTAc xəbər verir ki, bununla bağlı fevralın 14-də keçirilən mətbuat konfransında “Azərenerji” ASC-nin Strateji İnkişaf İdarəsinin rəisi Rafael Abbasov bildirmişdir ki, ASC-nin reytinqi “Standard & Poors” reytinq agentliyinin MDB məkanının elektroenergetika şirkətlərinə təyin etdiyi reytinlər arasında ən yüksəkdir. Ötən 2012-ci ildə “Azərenerji” ASC-ə “Fitsh” reytinq agentliyi  də Azərbaycan reytinqinə bərabər olan “BBB sabit proqnoz” reytinqini təyin etmişdir. “Azərenerji”nin reytinqi investisiya dərəcəsinə uyğun hesab olunur. Bu isə öz növbəsində Azərbaycanın beynəlxalq miqyasda nüfuzunun daha da yüksəlməsinə şərait yaradacaq, ASC-nin beynəlxalq bazarlarda  mövqeyini daha da möhkəmləndirəcəkdir.

“Goldman Sachs” Bankının idarəedici direktoru Halil Emecen bildirmişdir ki, bu reytinq “Azərenerji”nin Cənubi Qafqazda ən iri elektroenergetika şirkəti olması ilə yanaşı, onun Azərbaycanın iqtisadiyyatında mühüm rolunu əks etdirmişdir.

Sonra jurnalistlərin sualları cavablandırılmışdır.