“Qazaxıstan Azərbaycana Avropanın qapıları kimi baxır və biz Azərbaycanın tranzit imkanlarını yüksək dəyərləndiririk”.

APA-nın məlumatına görə, bu sözləri Qazaxıstan səfiri Serik Primbetov keçirdiyi mətbuat konfransında demişdir.

Səfir qeyd etmişdir ki, Qazaxıstan öz yüklərini Bakı-Tbilisi-Qars dəmir yolu ilə nəql etməkdə maraqlıdır və layihə işə düşən kimi bu məsələ ilə bağlı Azərbaycanla əməkdaşlıq etməyə hazırdır.O, Azərbaycanın Qazaxıstanın əsas beynəlxalq tərəfdaşlarından biri olduğunu xüsusi diqqətə çatdırmışdır: “Ölkələrimiz arasında ikitərəfli münasibətlər dinamik inkişaf edir və strateji tərəfdaşlıq münasibətləri kimi xarakterizə olunur. Ötən il bir sıra ikitərəfli rəsmi səfərlər həyata keçirilib, Astana və Almatıda Azərbaycan mədəniyyəti günləri, Bakıda Qazaxıstan mədəniyyəti günləri, Qazax kino günləri keçirilmişdir”.