Azərbaycan Respublikasının Kanadadakı səfirliyindən daxil olmuş məlumatda bildirilir ki, Kanadanın Toronto şəhərində "Sibos-2011" beynəlxalq bankçılıq sərgisi keçirilir.
Tədbirdə Azərbaycanı sərgi stendi ilə təmsil edən yeganə bank "Paşa Bank"dır. Sərgidə "Paşa Bank"ı idarə heyətinin sədri Fərid Axundovun başçılıq etdiyi nümayəndə heyəti təmsil edir.
"Paşa Bank" tərəfindən sərginin iştirakçılarına rəsmi ziyafət verilmişdir. Azərbaycan Respublikasının Kanadadakı səfiri Fərid Şəfiyev ziyafətdə iştirak etmişdir.
"Sibos-2011" sərgisində "Azərbaycan Beynəlxalq Bankı"nın və "Xalq Bankı"nın nümayəndələri də iştirak edirlər.
Qeyd edək ki, beynəlxalq maliyyə aləmində nüfuza malik bu sərgiyə regionumuzdan yalnız Azərbaycan və Rusiya bankları qatılmışlar.