Bu ilin sentyabrın 1-nə Azərbaycanda taxıl yığımı ötən ilin müvafiq dövrünə nisbətən 24 faiz artmışdır. Bu barədə Kənd Təsərrüfatı Nazirliyinin şöbə müdiri Sabir Vəliyev məlumat vermişdir. 
S.Vəliyev qeyd etmişdir ki, 2011-ci il sentyabrın 1-nə qədər payızlıq və yazlıq dənli və dənli-paxlalı bitkilər əkilən sahələrin 99,76 faizində məhsul yığımı başa çatmışdır.
931 min 465 hektar sahədən 2 milyon 301 min 714 ton məhsul yığılmışdır. Bu, ötən ilin göstəricisinə nisbətən 23,9 faiz çoxdur. Biçin aparılmış sahələrin hər hektarından 24,7 sentner məhsul əldə edilmiş, məhsuldarlıq ötən illə müqayisədə 24,1 faiz artmışdır.