Azərbaycan müasir günəş panelləri ixrac edəcək

Azərbaycan beynəlxalq bazara daha müasir günəş panelləri ixrac etməyə hazırlaşır.

Bunu Alternativ və Bərpa Olunan Enerji Mənbələri üzrə Dövlət Agentliyinin sədr müavini Cəmil Məlikov deyib.

C.Məlikovun sözlərinə görə, artıq müasir günəş panellərinin istehsal olunduğunu nəzərə alsaq, beynəlxalq bazara köhnə tip panelləri tədarük etməyin mənası yoxdur, çünki onları heç kim almayacaq: “Buna görə də günəş batareyalarının ixracı məsələlərində irəli getmək üçün bizə ilk növbədə yeni texnologiyaları tətbiq etmək, müasir və yüksək effektli günəş panellərinin istehsalını mənimsəmək lazımdır. Yalnız bundan sonra qonşu və digər ölkələrin bazarlarına çıxmaq olar”.

Agentliyin sədr müavini qeyd edib ki, hazırda gündəlikdə "Azgüntex" şirkətinin günəş panelləri zavodunun modernləşdirilməsi məsələsi dayanır:

“Bu istiqamətdə işlərin başa çatacağı müddəti demək hələ mümkün deyil. Belə ki, hazırda müqavilələrin müzakirəsi gedir və bu işə tələb olunan məbləğ müəyyən edilir. Texnologiyaların tədarükçüsü ilə razılığa gəlmək, kommersiya şərtlərini müəyyənləşdirmək və bundan çıxış edərək zəruri avadanlığın tədarükünü həyata keçirmək lazımdır”.

Bundan əvvəl bildirilirdi ki, istehsalatın modernləşdirilməsi panellərin enerji gücünü 250-dən 330 Vt-a artırmağa imkan verəcək. Bu işlər ilkin olaraq 150-200 min avro məbləğində dəyərləndirilir. Modernləşdirmədən sonra zavodun illik gücü 25-dən 60-65 MVt-a çatacaq.

Xatırladaq ki, “Azgüntex” zavodu 2012-ci ilin aprelindən fəaliyyət göstərir. Burada istehsal olunan günəş panellərinin istismar müddəti 30-40 il təşkil edir.

Vaqif BAYRAMOV,

“Xalq qəzeti”

 


© İstifadə edilərkən "Xalq qəzeti"nə istinad olunmalıdır.



  • I Avropa Oyunlarının təəssüratları uzun müddət xatirələrdə yaşayacaq

    I Avropa Oyunlarının təəssüratları uzun müddət xatirələrdə yaşayacaq

  • Hər gün bir tarix, hər gün bir zəfər

    Hər gün bir tarix, hər gün bir zəfər

  • Birinci Avropa Oyunları məşəlinin Bakının mədəniyyət və incəsənət mərkəzlərinə səyahəti

    Birinci Avropa Oyunları məşəlinin Bakının mədəniyyət və incəsənət mərkəzlərinə səyahəti

  • “Bakı – 2015”-in məşəli bölgələrə səyahətin son günündə bəşəriyyətin keçmişinə işıq salıb paytaxta qayıdır

    “Bakı – 2015”-in məşəli bölgələrə səyahətin son günündə bəşəriyyətin keçmişinə işıq salıb paytaxta qayıdır

  • Siyəzən birinci Avropa Oyunlarının məşəl estafetini qəbul etdi

    Siyəzən birinci Avropa Oyunlarının məşəl estafetini qəbul etdi

Çox oxunanlar



Təqvim

Hava haqqında