Dünya bazarında “qara qızıl”ın qiyməti yenidən artmağa başlayıb. Neftin qiyməti ABŞ-la Çin Xalq Respublikası arasında gedən mübarizə şəraitində artır. Səudiyyə Ərəbistanının hasilatı artırmağına baxmayaraq “qara qızıl”ın qiyməti artmaqda davam edir.

 

Londonun “İCE” birjasının məlumatına görə, “Brent” markalı neftin bir barreli 78 dollar olub. Nyu-York Əmtəə Birjasının məlumatına görə, Texas sortu adlandırılan ABŞ-ın “WTI” markalı neftinin bir barreli 74,56 dollar olub. Azərbaycanın “AzeriLight” markalı neftinin bir barreli 80,10 dollar olub.

“Bloomberg”in məlumatına görə, təhlilçilər və energetika şirkətlərinin nümayəndələri bildiriblər ki, Səudiyyə Ərəbistanı iyun ayında hasilatı 330 min barrel artırıb.

Liviya və Venesueladakı problemlərə görə, OPEC ötən ay hasilatı 30 min barrel artırıb.

Qəzənfər QASIMOV,

“Xalq qəzeti”