Dünya bazarında “qara qızıl”ın qiyməti ucuzlaşmağa başlayıb. Londonun “İCE” birjasının məlumatına görə, “Brent” markalı neftin bir barreli əvvəlcə 77,55 dollar olub. Nyu-York Əmtəə Birjasının məlumatına görə, Texas sortu adlandırılan ABŞ-ın “WTI” markalı neftinin bir barreli əvvəlcə 66,63 dollar olub. Azərbaycanın “AzeriLight” markalı neftinin bir barreli əvvəlcə 78,10 dollar olub.

Lakin ABŞ Energetika Nazirliyinin Birləşmiş Ştatlarda neft ehtiyatının azalması barədə məlumatından sonra qiymətlər cüzi artıb.

Rusiya və OPEC-ə üzv ölkələr neftin qiymətinin aşağı düşməsindən narahatdırlar. Onlar hasilatı azaltmaq barədə razılaşmaya ciddi əməl edirlər.

Qəzənfər QASIMOV, “Xalq qəzeti”