Bu ilin ilk dörd ayında Bakıda ictimai iaşə dövriyyəsi əvvəlki ilin müvafiq dövrü ilə müqayisədə real ifadədə 4,1 faiz artaraq 268 milyon manat olub. Dövriyyənin 99,5 faizi qeyri-dövlət sektorunun müəssisələri hesabına formalaşıb.

Bakı Şəhər Statistika İdarəsinin məlumatına görə, bu sektorda iaşə dövriyyəsinin 51,2 faizi hüquqi şəxs statuslu müəssisələrin, 48,8 faizi isə bu sahədə sahibkarlıq fəaliyyəti ilə məşğul olan fərdi sahibkarların payına düşüb.

Hesabat dövründə hüquqi şəxs statuslu müəssisələrdə dövriyyə 2017-ci ilin yanvar-aprel aylarına nisbətən 22,2 faiz artaraq 137,9 milyon manata çatıb.

Vaqif BAYRAMOV,

“Xalq qəzeti”