Bu il iyunun 19-da Trans-Anadolu qaz kəmərinin (TANAP) açılış mərasimi keçiriləcək.

"APA-Economics" Türkiyə KİV-nə istinadən xəbər verir ki, bu barədə SOCAR-ın İnvestisiyalar Departamentinin rəhbəri Vaqif Əliyev məlumat verib. Onun sözlərinə görə, Azərbaycan qazının TANAP qaz kəməri ilə nəqlinə başlanması mərasimi iyulun əvvəlinə planlaşdırılıb. "İyunun 24-də Türkiyədə növbədənkənar prezident və parlament seçkiləri keçiriləcək. Ötən həftə Azərbaycan və Türkiyə prezidentləri İlham Əliyev və Rəcəb Tayyip Ərdoğan arasında keçirilən görüş zamanı iyunun 19-da TANAP-ın işə salınması mərasiminin keçirilməsinə dair qərar qəbul olunub”, - deyə V.Əliyev vurğulayıb.

Qeyd edək ki, “Şahdəniz-2”  layihəsi çərçivəsində TANAP ilə illik 16 milyard Azərbaycan qazı nəql olunacaq. Bunun 6 milyard kubmetri Türkiyə, 10 milyard kubmetri Avropaya nəql ediləcək.