“APA-Economics” xarici KIV-ə istinadən xəbər verir ki, İranın neft nazirinin müavini Əmir Hüseyn Zamaniniyə bildirib ki, birgə müəssisə yaradılması məsələsi İran prezidenti Həsən Ruhaninin martın 29-da Azərbaycana səfəri zamanı Azərbaycan Energetika Nazirliyi ilə İran İslam Respublikasının Neft Nazirliyi arasında Xəzər dənizində müvafiq blokların birgə işlənilməsi haqqında anlaşma memorandumunda öz əksini tapıb.

İranlı nazir qeyd edib ki, hazırda birgə müəssisənin yaradılması istiqamətində iş aparlır.

Sənədə əsasən, yeni yaradılacaq şirkət Xəzər dənizində iki blokun işlənilməsi ilə məşğul olacaq. Məlumata görə, yaxın zamanlarda razılaşma qüvvəyə minəcək.

Azərbaycanın Energetika Nazirliyindən isə “APA-Economics”ə bildiriblər ki, hazırda memorandumun icrası istiqamətində məsləhətləşmələr aparılır.