Bu ildən Azərbaycan təbii qazını Türkiyəyə və oradan Avropaya nəql edəcək Trans-Anadolu Təbii Qaz Boru Kəməri (TANAP) layihəsi çərçivəsində idarə etmək üçün SOCAR və BOTAŞ ortaq şirkət quracaq.

“Habertürk”ün verdiyi xəbərə görə, ortaq şirkətdə tərəflərin hər biri 50 faiz paya sahib olacaq.

Məlumata görə, TANAP layihəsini idarə edəcək birgə şirkət boru kəmərinin təhlükəsizliyinə də cavabdeh olacaq. Mənbə qurulacaq bu şirkətdə üçüncü payçının olacağını düşünmür.