İqtisadiyyat Nazirliyinin Sahibkarlığa Kömək Milli Fondu Hacıqabul rayonunda işgüzar forum keçirmişdir. Forum çərçivəsində sahibkarlarla mövcud iqtisadi potensialdan daha səmərəli istifadə edilməsi məqsədilə müzakirələr aparılmış, Hacıqabul rayonu üzrə sahibkarlıq subyektlərindən  intensiv bağçılıq və pambıqçılıq təsərrüfatlarının, kompozit və plastik qablaşdırma materialları və quru meyvə istehsalı müəssisələrinin və cins heyvandarlıq və taxıl anbarı komplekslərinin yaradılması istiqamətlərində investisiya layihələrinin maliyyələşdirilməsi üçün təkliflərin qəbulu məqsədəuyğun hesab edilmişdir:

Nazirlikdən verilən məlumata görə, sahibkarlar investisiya layihələrinin maliyyələşdirilməsi məqsədilə müvəkkil kredit təşkilatları vasitəsilə İqtisadiyyat Nazirliyinin Sahibkarlığa Kömək Milli Fonduna müraciət edə bilərlər.

Əlipənah BAYRAMOV,
“Xalq qəzeti”