“SOCAR Turkey Enerji” şirkəti Transanadolu boru kəməri (TANAP) layihəsində yeddi faizlik payın sahibi olub. Bununla bağlı saziş bu il mart ayının sonunda imzalanıb.

Bunu Əskişəhərdə mətbuat konfransı zamanı TANAP konsorsiumunun rəhbəri Saltuk Düzyol deyib.

Beləliklə, TANAP səhmdarlarının pay bölgüsü bu cür olub: “Cənub Qaz Dəhlizi” QSC – 51 faiz, “SOCAR Turkey Enerji” 7 faiz, “Botaş” – 30 faiz, BP – 12 faiz.

Vaqif BAYRAMOV,
“Xalq qəzeti”