“Bu günə qədər TANAP-ın tikintisinə 5,6 milyard dollar xərclənib”.

“APA-Economics”in Türkiyənin Əskişəhər şəhərinə ezam olunmuş müxbirinin məlumatına görə, bunu Trans-Anadolu Qaz Boru Kəməri (TANAP) Konsorsiumunun baş direktoru Saltuk Düzyol bu gün keçirdiyi brifinqdə jurnalistlərə bildirib.

S.Düzyol əlavə edib ki, bu layihə ilə bağlı xarici banklardan 3,75 milyard dollar kredit cəlb edilib.

Onun sözlərinə görə, bu layihənin xərclərinin 7,99 milyard dollar olacağı qiymətləndirilir.

“Bu günə qədər Trans-Anadolu Qaz Boru Kəmərinin (TANAP) tikintisində 82 165 299 insan – saat iş görülüb. İnşaat zamanı 1 milyon 310 min ton kəmər qaynaq edilib”, – deyə S.Düzyol vurğulayıb.