Günəşdə güclü partlayışlar baş verib.Trend-in RİA “Novosti”yə istinadən verdiyi məlumata görə, partlayışlar Günəş ləkələri yaxınlığında qeydə alınıb. Ləkələrin həcmi alimləri narahat edib. Belə ki, 2008-ci ildən bu böyüklükdə Günəş ləkələri müşahidə olunmamışdı.

NASA-nın məlumatına görə, Günəşdəki partlayışlar Yerin maqnit sahəsinə nəzərəçarpacaq təsir edə bilər. NASA mütəxəssislərinin sözlərinə əsasən, yaxın günlərdə Günəşdə partlayışlar təkrarlana bilər: “Bunun bütün dünyada rabitə ilə bağlı problemlər yaratma ehtimalı var.

Qeyd edək ki, oktyabrda Günəşdə tapılan iri ləkəyə “AR 21912” adı verilmişdir.