Ekologiya və Təbii Sərvətlər Nazirliyi Milli Hidrometeorologiya Departamentindən aldığımız məlumata görə, iyul ayında havanın orta aylıq temperaturunun birinci ongünlükdə əsasən iqlim normasından bir qədər yüksək, üçüncü ongünlükdə normaya yaxın, bəzi günlərdə isə normadan bir qədər aşağı olacağı gözlənilir.

Ay ərzində tez-tez şimal küləyinin güclənəcəyi ehtimalı var.

Aylıq yağıntının miqdarının iqlim normasına yaxın, bəzi ərazilərdə isə bir qədər çox olacağı ehtimal olunur.

Sinoptiklərin verdikləri proqnoza əsasən iyul ayında Bakıda və Abşeron yarımadasında havanın orta aylıq temperaturunun 26-28 dərəcə isti olacağı gözlənilir ki, bu da iqlim normasına yaxın və bir qədər yüksəkdir.Gecələr 21-25 dərəcə isti təşkil edəcək. Gündüzlər 28-33 dərəcə isti olacağı, bəzi günlərdə isə 35-39 dərəcəyədək yüksələcəyi gözlənilir.

Aylıq yağıntının miqdarının iqlim normasına yaxın, bəzi yerlərdə isə bir qədər (orma 2-3 mm) çox olacağı gözlənilir.

Qəzənfər  QASIMOV,
“Xalq  qəzeti”