Ekologiya və Təbii Sərvətlər Nazirliyinin Milli Hidrometeorologiya Departamentindən aldığımız məlumata görə, fevral ayında havanın orta aylıq temperaturunun iqlim normasına yaxın olacağı gözlənilir.

 Yağıntıların Respublika ərazisində qeyri-bərabər paylanması gözlənilir. Aylıq yağıntının miqdarının iqlim normasına yaxın, bəzi yerlərdə isə bir qədər çox olacağı ehtimal olunur.

 Birinci ongünlüyün ilk günlərində qeyri-sabit, yağıntılı hava şəraiti üstünlük təşkil edəcək.

 Sinoptiklərin verdikləri proqnoza əsasən, fevral ayında Bakıda və Abşeron yarımadasında havanın orta aylıq temperaturunun 2-4 dərəcə isti olacağı gözlənilir ki, bu da iqlim normasına yaxındır. Gecələr 0-4 dərəcə isti, ikinci ongünlüyün bəzi günlərində 1-3 dərəcə şaxta təşkil edəcək. Gündüzlər 4-9 dərəcə isti olacağı, ikinci ongünlüyün  ayrı-ayrı günlərində 2 dərəcə şaxtadan 2 dərəcəyədək isti olacağı gözlənilir.

 Aylıq yağıntının miqdarının iqlim normasına yaxın, (norma 21-24 mm) bəzi yerlərdə isə normadan bir qədər çox olacağı gözlənilir.

 Xalq  qəzeti"