Üç gün ərzində Biləsuvar rayonunda Azərbaycan Skautlar Assosiasiyası tərəfindən “Skautlar təbiətin dostudur!” adlı ekoloji tədbirlərin təşkili” layihəsi çərçivəsində skaut liderləri üçün ekoloji təlimlər keçirilmişdir.

Təlimlər çərçivəsində iştirakçılar müəyyən edilmiş ərazidə küknar ağacları əkmişlər. Sonra “Təkrar emal (art)” adlı təlim,“Qorumaq üçün tanımaq lazımdır, Təbiəti tanı!” , “Bionika, Təbiətdən motivasiya”, “No plastic” təlimləri icra olunmuşdur. Daha sonra Biləsuvar Yanğından Mühafizə Hissəsi rəsmilərinin iştirakı ilə “Ətraf mühitin mühafizəsi” adlı təlim keçirilmişdir. Bu zaman iştirakçılar meşə ərazisində imitasiya yanğınının söndürülməsi prosesində iştirak etmişlər. Skautlar şəhər gəzintisi zamanı Biləsuvarın görməli yerlərində olmuş, Milli Qəhrəman Mübariz İbrahimovun ev muzeyinə getmişlər. Sonda təlim proqramı iştirakçılarına sertifikatlar, könüllülərə isə təşəkkürnamələr təqdim edilmişdir.   

Əli NƏCƏFXANLI,
“Xalq qəzeti”nin bölgə müxbiri