Ekologiya və Təbii Sərvətlər Nazirliyinin Ətraf Mühitin Mühafizəsi Departamentinin əməkdaşları  tərəfindən respublika ərazisində yerli meşə materiallarının qanunsuz yolla əldə edilməsi, daşınması və satışı hallarının qarşısının alınması məqsədilə növbəti reyd keçirilib. 

Ekologiya və Ekologiya Təbii Sərvətlər Nazirliyinin mətbuat xidmətindən aldığımız məlumata görə, Xaçmaz rayonu ərazisində keçirilən reyd zamanı Çinartala kəndi ərazisində Zeynəddin Daşdəmirova məxsus yeşik hazırlanan sexdə  qanunsuz yolla əldə edilmiş 4,1 m³ həcmində fıstıq cinsli meşə materialı aşkar edilib. Faktla bağlı sexin sahibi barəsində akt tərtib edilib və ona təbiət dəyən 709 manat  məbləğində ziyan tətbiq olunub.

              Qəzənfər  QASIMOV,

              “Xalq  qəzeti”