Azərbaycanda yaşıllıqların mühafizəsi haqqında qanuna dəyişikliklər edilib. Bu barədə Baş nazir Novruz Məmmədov  qərar imzalayıb. Qərara görə, "Yaşıllıqların uçotunun, kadastrının və monitorinqinin aparılması qaydası” təsdiq edilib.

Qaydalara əsasən, yaşıllıqların kəmiyyət və keyfiyyət göstəriciləri, növü, ərazisi və onlar barədə digər məlumatlar toplanacaq. Həmçinin yaşıllıqların sanitariya-gigiyena və fitosanitar normalarına uyğunluğu təmin ediləcək.

Məqsəd yaşıllıqların səmərəli idarə edilməsinə və mühafizəsinə nail olmaqdır.

M.MÜKƏRRƏMOĞLU,
“Xalq qəzeti”