Binəqədi rayonunda ümummilli lider Heydər Əliyevin anadan olmasının 95-ci ildönümünə həsr edilən iməcilik keçirilib.

Rayon icra hakimiyyətinin dəstəyi ilə reallaşan iməcilikdə Yeni Azərbaycan Partiyası rayon təşkilatının fəal gəncləri, bələdiyyə nümayəndələri və orta ümumtəhsil məktəblərinin şagirdləri iştirak ediblər.

İməcilik zamanı 5 mindən çox ağac və gül kolu əkilib, eyni zamanda, ərazidəki divarlar rənglənib, səliqə-sahman işləri aparılıb.

İməcilikdən sonra rayondakı 30 nömrəli məktəbin şagirdlərinin iştirakı ilə flaşmob keçirilib, 6 nömrəli Uşaq və Gənclərin İnkişaf Mərkəzinin rəqs kollektivi müxtəlif rəqs nümunələri ifa edib.

“Xalq qəzeti”