№ 138

Bakı şəhəri, 10 aprel 2017-ci il

Azərbaycan Respublikası Nazirlər Kabinetinin 2000-ci il 1 may tarixli 80 nömrəli  qərarı  ilə  təsdiq edilmiş “İcra  məmurlarının fəaliyyətinə nəzarət Qaydası”nda dəyişikliklər edilməsi barədə

“İcra haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının 2016-cı il 16 dekabr tarixli 458-VQD nömrəli Qanununun tətbiqi haqqında” Azərbaycan Respublikası Prezidentinin 2016-cı il 23 dekabr tarixli 1173 nömrəli Fərmanının 1.2-ci və 1.5-ci bəndlərinin icrasını təmin etmək məqsədi ilə Azərbaycan Respublikasının Nazirlər Kabineti QƏRARA  ALIR:

Azərbaycan Respublikası Nazirlər Kabinetinin 2000-ci il
1 may tarixli 80 nömrəli qərarı (Azərbaycan Respublikasının Qanunvericilik Toplusu, 2000, № 5, maddə 361; 2002, № 5, maddə 317, № 10, maddə 635; 2006, № 3, maddə 303, № 10, maddə 902; 2010, № 11, maddə 1040; 2016, № 3, maddə 603) ilə təsdiq edilmiş “İcra məmurlarının fəaliyyətinə nəzarət Qaydası”nın “II. İcra ilə əlaqədar icra məmurlarının fəaliyyətinin yoxlanılması” bölməsində aşağıdakı dəyişikliklər edilsin:

1. 3-cü hissəsinin birinci cümləsində “məhkəmə icraçılarının” sözləri “icra qurumunun” sözləri ilə və “500” rəqəmi “5000” rəqəmi ilə əvəz edilsin.

2.  5-ci hissəsində “məhkəmə icraçıları” sözləri “icra” sözü ilə və “məhkəmə icraçısına” sözləri “icra məmuruna” sözləri ilə əvəz edilsin.

Artur RASİ-ZADƏ
Azərbaycan Respublikasının
Baş naziri