№ 207             

Bakı şəhəri, 4 may 2018-ci il

“Dövlət  büdcəsindən  maliyyələşən  bir  sıra  təşkilatlarda çalışan işçilərin aylıq vəzifə maaşları haqqında” Azərbaycan Respublikası Nazirlər Kabinetinin 2018-ci il 14 mart tarixli  94 nömrəli qərarında dəyişiklik edilməsi barədə   

“Azərbaycan Respublikasında gənclər siyasəti sahəsində idarəetmənin təkmilləşdirilməsi ilə bağlı tədbirlər haqqında” Azərbaycan Respublikası Prezidentinin 2018-ci il 7 mart tarixli 1871 nömrəli Fərmanının 7.3-cü bəndinin icrasını təmin etmək məqsədi ilə Azərbaycan Respublikasının Nazirlər Kabineti QƏRARA  ALIR:

Azərbaycan Respublikası Nazirlər Kabinetinin 2018-ci il 14 mart tarixli 94 nömrəli qərarı ilə təsdiq edilmiş 13 nömrəli əlavə – “Azərbaycan Respublikasının Prezidenti yanında Elmin İnkişafı Fondunun, Azərbaycan Respublikasının Prezidenti yanında Bilik Fondunun, Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun, Azərbaycan Respublikasının Prezidenti yanında Gənclər Fondunun işçilərinin aylıq vəzifə maaşlarının sxemi”nin adından ”, Azərbaycan Respublikasının Prezidenti yanında “Gənclər Fondunun” sözləri çıxarılsın.

Novruz Məmmədov
 Azərbaycan Respublikasının  Baş naziri