Azərbaycan Respublikası Nazirlər Kabinetinin Qərarı

Şriftin ölçüsü:

02.05.2018 10:12 | Oxunma sayı: 687

№ 191

Bakı şəhəri, 30 aprel 2018-ci il

“İnternet telekommunikasiya xidməti göstərən operatorların və provayderlərin uçotunun aparılması Qaydası”nın təsdiq edilməsi haqqında” Azərbaycan Respublikası Nazirlər Kabinetinin 2017-ci il 12 oktyabr tarixli 427 nömrəli qərarında dəyişikliklər edilməsi barədə

“Telekommunikasiya haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının 2017-ci il 10 mart tarixli 540-VQD nömrəli Qanununun tətbiqi və “Telekommunikasiya haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2005-ci il 9 avqust tarixli 277 nömrəli Fərmanında dəyişikliklər edilməsi haqqında” Azərbaycan Respublikası Prezidentinin 2017-ci il 16 mart tarixli 1296 nömrəli Fərmanına əsasən Azərbaycan Respublikasının Nazirlər Kabineti QƏRARA ALIR:

1. 2-ci hissə ləğv edilsin.

2. Həmin qərarla təsdiq edilmiş “İnternet telekommunikasiya xidməti göstərən operatorların və provayderlərin uçotunun aparılması Qaydası” üzrə:

2.1. 3.3.1-ci yarımbənddən “(və ya əsasnaməsinin)” sözləri çıxarılsın;

2.2. 3.7-ci bəndin birinci cümləsinə “provayder” sözündən sonra “7 (yeddi) iş günü müddətində” sözləri əlavə edilsin;

2.3. 3.8.3-cü yarımbənd aşağıdakı redaksiyada verilsin:

“3.8.3. göstərilən xidmətlərin texniki-təşkilati imkanları bu Qaydanın 3.3.2-ci yarımbəndində nəzərdə tutulmuş tələblərə uyğun olmadıqda (ərizədə göstərilən xidmətlərin texniki-təşkilati imkanlarına Nazirlik tərəfindən aidiyyəti qurumların iştirakı ilə baxış keçirilir).”;

2.4. 3.10-cu bənddən “(və ya)” sözləri çıxarılsın;

2.5. 3.14-cü bənddə “dəyişiklik olduğu vaxtdan” sözləri “dəyişikliyin olması barədə müraciətə baxıldıqdan sonra” sözləri ilə əvəz edilsin;

2.6. 4.1-ci bənd aşağıdakı redaksiyada verilsin:

“4.1. Uçota alınması üçün təqdim edilmiş məlumatlarda hər hansı dəyişiklik baş verdikdə, operatorlar və provayderlər və ya onların səlahiyyətli nümayəndələri dəyişiklik baş verdiyi gündən 10 (on) gün müddətində “Elektron hökumət” portalı vasitəsilə təsdiqedici sənədləri müraciətlərinə əlavə etməklə Nazirliyə məlumat verirlər.”;

2.7. 4.2-ci bəndə “müddətində” sözündən sonra “Elektron hökumət” portalı vasitəsilə” sözləri əlavə edilsin;

2.8. 4.3.1-ci yarımbəndə “tərəfindən” sözündən sonra “xidmət göstərilməsinin dayandırıldığı barədə” sözləri əlavə edilsin;

2.9. 4.3-cü bənd 4.4-cü bənd hesab edilsin və aşağıdakı məzmunda 4.3-cü bənd əlavə edilsin:

“4.3. Operatorların və provayderlərin uçot məlumatlarında dəyişiklik edilməsi və ya uçotunun ləğv olunması ilə əlaqədar müraciət zamanı verilən məlumatların qəbul edilməsi barədə müraciət edən şəxsə elektron təsdiqetmə bildirişi göndərilir. Həmin müraciətə Nazirlik tərəfindən 3 (üç) iş günü müddətində baxılır və uçot məlumatlarında bu Qaydanın 3.14-cü bəndində nəzərdə tutulmuş qaydada dəyişiklik edilir.”;

2.10. 5.1.1-ci yarımbənddən “internet telekommunikasiya xidmətləri bazarını təhlil edir,” sözləri çıxarılsın;

2.11. 5.2-ci bənd aşağıdakı redaksiyada verilsin:

“5.2. Azərbaycan Respublikasının Vergilər Nazirliyi bu Qaydanın 3.3.1-ci, 4.3.3-cü və 4.3.5-ci yarımbəndləri ilə əlaqədar operatorlar və provayderlər barədə məlumatların “Elektron hökumət” portalı vasitəsilə Nazirlik tərəfindən əldə edilməsi üçün şərait yaradır.”;

2.12. 6-cı hissə ləğv edilsin;

2.13. 7.1-ci bənddən “7.1.” rəqəmləri çıxarılsın.

3. Qaydaya 1 nömrəli əlavə - “Uçota alınma üçün Ərizə” üzrə:

3.1. “- _______ vərəq, ______ nüsxə”, “(imza)” və “M.Y.” sözləri çıxarılsın;

3.2. “Qeyd” hissəsi aşağıdakı redaksiyada verilsin:

“Qeyd. Ərizə ərizəçinin nümayəndəsi tərəfindən doldurulduğu təqdirdə, ərizəyə müvafiq səlahiyyəti təsdiq edən sənədin surəti əlavə olunur.”.

4. Qaydaya 2 nömrəli əlavə - “Uçota alınma üçün Ərizə” üzrə:

4.1. “- _______ vərəq, ______ nüsxə” və “(imza)” sözləri çıxarılsın;

4.2. “Qeyd” hissəsi aşağıdakı redaksiyada verilsin:

“Qeyd. Ərizə ərizəçinin nümayəndəsi tərəfindən doldurulduğu təqdirdə, ərizəyə müvafiq səlahiyyəti təsdiq edən sənədin surəti əlavə olunur.”.

5. Qaydaya 3 nömrəli əlavə - “İnternet telekommunikasiya xidməti göstərən operatorların və provayderlərin uçotu haqqında Bildiriş” üzrə:

5.1. “(imza)”, “M.Y.” və “___” _______20__ il” sözləri çıxarılsın;