Gununsesi.info-nun verdiyi məlumatında bildirilir ki, ABŞ-ın məşhur “USA TODAY” informasiya agentliyində dərc olunan məqalədə 2018-ci ildə səyahət edilməli ölkələr sırasında Azərbaycanın paytaxtı Bakı xüsusi qeyd olunub.

Gununsesi.info xəbər verir ki, dünyanın 193 ölkəsinə səyahət edən gənc amerikalı səyyah Sal Lavallonun agentlik üçün hazırladığı reytinqdə Bakı ilk sırada qeyd olunur.

“Neftlə zəngin bu paytaxt şəhərində mədəniyyət və müasir memarlığa milyardlarla vəsait sərf edilib. Şəhərdə gəzinti sanki açıq hava muzeyində gəzintiyə bənzəyir” – deyən 27 yaşlı səyyah bu gözəl diyarda müasir memarlıq və qədim yaraşıqlı binaların ahəngini də vurğulayır.

İlk səyahət olunmalı şəhərlər sırasında həmçinin, Şərqi Timorun paytaxtı Dili, Abu Dabi (Birləşmiş Ərəb Əmirlikləri), Kiqali (Ruanda), Skopye (Makedoniya), Beyrut, Mendoza (Argentina), Fritaun (Syerra-Leon), Asmara (Eritreya), Baqan (Myanmar), Konstantin (Əlcəzair) yer alıb.

Təqdim etdi:

İ.Əmənullayev

“Xalq qəzeti”