Azərbaycan Respublikası Mədəniyyət və Turizm Nazirinin 6 sentyabr 2017-ci il 205 saylı əmrinə əsasən Bakı Turizm İnformasiya Mərkəzi  digər turizm informasiya mərkəzləri üçün metodiki mərkəz təyin olunmuşdur.

Əmrin icrası ilə əlaqədar Bakı Turizm İnformasiya Mərkəzi “Turizm marşrutlarının yaradılmasına dair tövsiyələr” hazırlayıb, regional turizm informasiya mərkəzlərinə göndərmişdir. Bu barədə nazirliyin mətbuat xidməti məlumat yaymışdır.

Sənəddə marşrutların seçilməsi və hazırlanmasına dair bir sıra tələblər irəli sürülmüşdür. Turizm maşrutunu tərtib edərkən onun  tipi, başlanğıc və sonu, uzunluğu,  inzibati ərazi mərkəzindən uzaqlığı, marşrut üzrə hərəkət növləri və üsulların müəyyən edilməsi, nümayiş üçün nəzərdə tutulan turizm obyektləri haqqında məlumatların toplanması regional turizm informasiya mərkəzlərinə tövsiyə olunmuşdur.

M.MÜKƏRRƏMOĞLU,
“Xalq qəzeti”