Azərbaycan Milli Elmlər Akademiyası Fizika İnstitutunda Elmi Şuranın növbəti iclası keçirilib. İclası giriş sözü ilə İnstitutun elmi işlər üzrə direktor müavini, akademik Cavad Abdinov açıb. O, gündəlikdə duran məsələlər haqqında iclas iştirakçılarına məlumat verib. İclasda fəlsəfə doktoru hazırlığı üzrə təhsil müddəti başa çatmış 2014-cü ilin əyani doktoranlarının işlə təmin edilməsi, 2018-ci il üçün laboratoriyaların iş proqramlarının və elmi işçilərinin fərdi iş planlarının təsdiq edilməsi haqqında məsələlər müzakirə olunub. Həmçinin, İnstitutun “Qeyri-kristallik yarımkeçiricilərin fizikası” laboratoriyasının aparıcı elmi işçisi fəlsəfə doktoru Rəhim Ələkbərovun Macarıstanın Budapeşt şəhərinə ezamiyyəti haqqında hesabatı dinlənilib.