Azərbaycan Musiqi Mədəniyyəti Dövlət Muzeyində Azərbaycanın tanınmış bəstəkarı, Xalq artisti, Əməkdar incəsənət xadimi  Elza İbrahimovanın anadan olmasının 80 illik yubileyinə həsr olunmuş tədbir keçirildi.

Azərbaycanın tanınmış bəstəkarı, Xalq artisti Elza  İbrahimovanın   yubiley  tədbirində  bəstəkarın  yaradıcılığından söhbət açıldı, muzeyin arxiv materialları əsasında hazırlanmış slayd-şou nümayiş olundu. R.Behbudov adına Azərbaycan Dövlət Mahnı Teatrının solistləri, muzeyin Qədim  Musiqi Alətləri Ansamblının ifaçıları və  başqa musiqiçilərin ifalarında Elza İbrahimovanın sevilən mahnılarından ibarət konsert proqramı təqdim olundu, videogörüntülər nümayiş etdirildi.

Tədbirin qonaqları musiqi ictimaiyyəti, bəstəkarın ailə üzvləri, Bakı muzeylərinin əməkdaşları, KİV-nin nümayəndələri və başqaları idilər.

M.MÜKƏRRƏMOĞLU,
“Xalq qəzeti”