ABŞ-ın Nyu York şəhərində Azərbaycan mədəniyyətini təbliğ edən, "My Way Development Center" uşaqların inkişaf mərkəzinin rəhbəri, həmyerlimiz Alyona Bədəlovanın təşkilatçılığı ilə amerikalı uşaqların Azərbaycana həsr etdiyi rəsm əsərlərinin sərgisi keçiriləcək.

Diasporla İş üzrə Dövlət Komitəsindən Milli.az-a verilən məlumata görə, "Azərbaycan amerikalı uşaqların gözü ilə" adlı sərginin açılışı Bakıda "Xatai Art Center"də olmuşdur.

Sərginin açılış mərasimində incəsənət xadimləri, ziyalılar, Diasporla İş üzrə Dövlət Komitəsinin və ABŞ-ın Azərbaycandakı səfirliyinin nümayəndələri iştirak etmişlər.

M.MÜKƏRRƏMOĞLU,
“Xalq qəzeti”