Nizami Kino Mərkəzində Mədəniyyət və Turizm Nazirliyinin təşkilatçılığı ilə “Geyilməmiş ayaqqabılar” bədii filminin təqdimatı olub. Bədii film Aprel şəhidlərinin xatirəsinə həsr olub. Ekran əsərində  yurd-yuvasından didərgin düşən və tələbə yataqxanalarında məskunlaşan məcburi köçkünlərin gərgin həyat tərzi təsvir edilir. Filmdə Qarabağ  döyüşlərində gənc ərini və körpə qızını itirmiş qadının obrazı canlandırılıb.

Təqdimat mərasimində filmin ssenari müəllifi və baş prodüseri R. Rzayev, yaradıcı prodüseri Y.Filipov, bəstəkarı V. Şulin və başqaları çıxış edərək ekran əsəri barədə fikirlərini bölüşüblər.

Ülviyyə VAHİDQIZI,
“Xalq qəzeti”