"Gilan Turizm" şirkətinin dəstəyi ilə Qəbələ şəhərindəki "Qafqaz Resort" mehmanxanasında "Mehmet Köymen & Priamos" adlı moda sərgisi keçirilmişdir.
Türkiyənin məşhur manekenləri Tuğba Altıntopun, Ebru Ürünün, Elcin Harmankayanın, Emrah Harmankayanın və Eda Sedalının iştirakı ilə keçirilən tədbirdə qadın, kişi və uşaq geyimləri, müxtəlif aksessuarlar sərgilənmişdir. Sərgidə qış və yay geyimləri nümayiş etdirilmişdir.
Türkiyəli qonaqlar moda sərgisindən sonra Qəbələnin turizm obyektləri, füsunkar təbiəti ilə tanış olmuşlar. Türk manekenləri Qəbələdə azərbaycanlı həmkarları ilə birgə moda sərgisi keçirmək istədiklərini bildirmişlər. Türkiyəli qonaqlar Qəbələnin ecazkar gözəlliyə malik olduğunu qeyd etmiş, Azərbaycandan xoş təəssüratlarla ayrılacaqlarını vurğulamışlar.{nl}

AzərTAc