Prezident İlham Əliyevin 2010-cu il 14 yanvar tarixli "Rəsul Rzanın 100 illik yubileyinin keçirilməsi haqqında" Sərəncamının icrası ilə bağlı Daxili İşlər Nazirliyinin Polis Akademiyasının şəxsi heyətinin şairlər İlyas Tapdıq, Qəşəm Nəcəfzadə və Fəxrəddin Meydanlı ilə görüşü keçirilmişdir.
Tədbirdə çıxış edən akademiya rəisinin köməkçisi, polis polkovnik-leytenantı Nizami Hüseynov Azərbaycanın xalq şairi, Sosialist Əməyi Qəhrəmanı, SSRİ Dövlət mükafatı laureatı Rəsul Rzanın yaradıcılığından, həyat və fəaliyyətindən danışmışdır.
Şairlər İlyas Tapdıq, Qəşəm Nəcəfzadə və Fəxrəddin Meydanlı Rəsul Rzanın ömür yolundan ətraflı söhbət açmış, tədbir iştirakçılarını maraqlandıran suallara cavab vermişlər.
AzərTAc{nl}