Aprelin 9-da Azərbaycan Dövlət Gənc Tamaşaçılar Teatrında əməkdar incəsənət xadimi, Dövlət Gənclər Teatrının yaradıcısı və bədii rəhbəri olmuş Hüseynağa Atakişiyevin vəfatının ildönümünə həsr olunmuş xatirə gecəsi keçiriləcəkdir.
Tədbirdə rejissorun həyat və yaradıcılığından ətraflı söz açılacaq, onun quruluş verdiyi tamaşaların özünəməxsus xüsusiyyətlərindən bəhs ediləcəkdir.
Tədbirdə rejissor Sərvər Əliyevin quruluşunda Əziz Nesinin "Çağırış" tamaşası təqdim olunacaqdır. Əsas rollarda əməkdar artist Qəmər Məmmədova, aktyorlar Qurban İsmayılov, Elşən Çarhanlı, Natiq Aslan, Hüsniyyə Əhmədova, Anar Səfiyev və başqaları çıxış edəcəklər.
Tamaşanın bəstəkarı əməkdar incəsənət xadimi Sərdar Fərəcov, rəssamı Vüqar Əlidir.
AzərTAc