İyulun 25-dən avqustun 5-dək Azərbaycanın Qəbələ şəhərində Heydər Əliyev Fondunun dəstəyi, Mədəniyyət və Turizm Nazirliyinin və Azərbaycan Musiqi Xadimləri İttifaqının təşkilatçılığı ilə Pianoçuların II Beynəlxalq Festivalı keçiriləcəkdir.
Üzeyir Hacıbəyli adına Bakı Musiqi Akademiyasının rektoru, xalq artisti Fərhad Bədəlbəyli AzərTAc-a bildirmişdir ki, ötənilki tədbirdən fərqli olaraq bu il festival çərçivəsində müsabiqə keçirilməyəcəkdir. O vurğulamışdır ki, dünya şöhrətli musiqiçi, cazmen Al Cero festivalda konsert proqramı ilə çıxış edəcəkdir. Onun Qəbələ festivalı çərçivəsində konserti iyulun 27-də olacaqdır.
Festival çərçivəsində iyulun 25-də xalq artisti Fərhad Bədəlbəyli və əməkdar artist Murad Adıgözəlzadənin birgə konserti olacaqdır. Beynəlxalq musiqi bayramının proqramına uyğun olaraq Rusiyanın məşhur pianoçusu Boris Berezovskinin konserti də nəzərdə tutulmuşdur.{nl}