Azərbaycan Milli Elmlər Akademiyasının (AMEA) Əlyazmalar İnstitutu İran, Türkiyə və Hindistandan qədim əlyazmalar alacaq.

Bu barədə APA-ya İnstitutun direktoru Paşa Kərimov bildirib. Onun sözlərinə görə, yaxın zamanlarda Azərbaycan ədəbiyyatına və tarixinə aid əlyazmaların surətləri ölkəyə gətiriləcək. Artıq bununla bağlı iş gedir.

Əlyazmalar daha çox XV-XVI əsrlərdən - Səvəfilər dövründən XIX əsrə qədər olan prosesləri əhatə edəcək. Onların arasında Şah İsmayıl Xətainin nəvəsi İbrahim Cahinin klassik qəzəlləri də var.

İndiyədək Əlyazmalar İnstitutu yalnız Azərbaycanla əlaqədar əlyazmaların ölkəyə gətirilməsinə çalışıb. Lakin bundan sonra bütün Şərq aləminə aid əlyazmaların da Azərbaycana gətirilməsi üçün iş aparılacaq.